Hollendartida i Norge

Kvifor er språket vårt så fullt av nederlandske ord og uttrykk? Og kvifor har så mange nederlandskproduserte gjenstandar funne vegen til norske heimar? Korleis kan det ha seg at så mange innbyggjarar i Norge har nederlandske etternamn og at øyer og havområde i nord fekk nederlandske stadnamn? Ved å sjå nærare på kontakten mellom Norge og dei nederlandske småstatane i perioden 1550 – 1750, finn Margit Løyland svaret. Norske kvinner og menn søkte seg til dei nederlandske småstatane for å finne arbeid innanfor skipsfart, handverk og hushald. Hollendarane søkte også til Norge. Her fann dei etterspurde råvarer, og hollandske skuter frakta tømmer og trelast frå Norge og ut i verda lenge før vi fekk vår eigen handelsflåte. Dette har prega ettertida meir enn dei fleste er klar over. Denne rikt illustrerte boka gir eit eineståande møte med Hollendartida i Norge og med dei nederlandske trekka i dagens norske kultur.